استمعوا لبرلمان راديو

15:33 - 13 أغسطس 2021

بعد رفضهم مساعدة المغرب.. رشيد الوالي ينتقد قرارات جنرالات الجزائر

برلمان.كوم- ياسين بن ساسي

انتقد الفنان المغربي رشيد الوالي، قرار السلطات الجزائرية بعد رفضها مساعدة المغرب، من أجل التدخل لإخماد حرائق الغابات التي تشهدها العديد من مناطق الجارة الشرقية.

ونشر الفنان رشيد الوالي رسالة عبر حسابه الرسمي على موقع التواصل الاجتماعي “إنستغرام”، يتحدث فيها عن الوضع المأساوي، الذي تشهده الجزائر، بسبب اندلاع الحرائق.

وقال رشيد الوالي “عارف باللي حتى واحد فينا معاجبو اللي واقع لخوتنا، العافية اللي كتاكل لخضر واليابس وبنادم واقف يائس، فالأزمات خاصنا ننساو خصامنا ونمدو يدينا للإنسان بدون حتى نعرفو دينو ولا جنسيتو حيت هو إنسان”.

وأضاف: “زرت بلادهم بزاف ديال المرات، ودايما الناس كيستقبلوني بكل حب واحترام عارفين أعمالي ومتبعين جزئيات من حياتي، وفكل مرة كنتوادعو بالدموع وعلى أمل تزول الحدود، وليوم كيتبخر هاد الأمل ولوجع كيزيد يتعمق”.

وتابع: “بأي حق نخبة كتعطي لنفسها الحق ترفض تفتح الباب وكنرجعو للماضي ونقطة الصفر، الأوروبيين تقاتلو وذبحو بعضهم لأكثر من ألف سنة، ولكن هادي سبعين عام قررو يوقفو الكره لأن الحرب والحقد كلشي خاسر فيه، وحنا ليوم مبغيناش ناخدو الدرس”.

وأوضح “ميمكنش نعرف بالي خويا كتشعل فيه عافية واللي مسؤول عليه كيقوليه متمدش يدك وموت بشرف اشناهو الشرف؟ خرج من المكيف لي أنت جالس تحت منو ودوق صهد النار، وشوف آش تختار، كنتمنا نرجعو للإنسان اللي فينا، ونمدو يدينا ونبداو من جديد ونشكلو قوة من لحديد، أنا وأنت مفروض حنا خوت حتى للموت، ولكن إلى منسيناش اللي فات، وداعا للحياة”.

واختتم رشيد الوالي تدوينته قائلا: “أنا شخصيا سامحت للي خرجو أبرياء فنهار العيد وفرقوهم على ولادهم وحبابهم وممتلكاتهم، ماشي حيت معندي نفس ولكن كان لازم ندير نقطة ونرجع للسطر، وتحملت وقلت نصبر، عزائي فاللي ماتو والله يرزقهم الصبر والسلوان.. أحبكم”.

اترك تعليقا :
لن يتم نشر عنوان بريدك الإلكتروني. الحقول الإلزامية مشار إليها بـ *