تحية بوغطاطية للجميع…
منكذبش عليكم أخوتي، من البارح وانا شاد راسي وكنقول لي فيهم يكفيهم ولكن لا مايمكنش
تشوف وتسمع ديك المهزلة وماتهضرش عليها؟؟ أاامبوسي هههههه
كنهضر على الكوبل الأسطورة دنيا فيلالي وعدنان فيلالي و”الأحداث التاريخية” ديالهم ههههه
سير عالله…
1.المهم أسيادنا، البارح الكوبل فيلالي قالك علنو على حدث تااريخي وقنبووولة نووية غتشتت النظام وغتجيب الكاو للمخزن هههههه
والله أسيدي إيلا ماكاين لي كيفرح المخزن قد هاد النوع ورباعة النصابة لي بحالهم هههه
اللهم كثر فيلاليتنا ومومنياتنا وحاجباتنا هههههه
2. هاد الحدث التاريخي لي من فبراير وهما مصدعين بيه الوقت، صراحة كيستحق جائزة أوسكار لأغبى كوبل فالعالم ههههه
قالك أسيدي رفعو دعوى قضائية ضد المغرب.
واش ففرنسا؟؟
لا.
وفين؟
عند الأمم المتحدة هههه لي كيقولو أنها عطاتهم الحماية الدولية وطالبين بها اللجوء في فرنسا.. وامي واش نندب هوك ولا هوك
3. دابا يا إما كتستحمرو لي متبعينكم يا إما نتوما لي مكلخين بلا قياس. وكيبان لي بجوج ههههه
أولا بالنسبة “للدعوى القضائية” لي درتوها فهي ماسميتهاش دعوى قضائية، سميتها شكاية أو شكوى. الأمم المتحدة أ ماما ماشي محكمة ولا مؤسسة قضائية… ماتبقاوش ديرو الضحك فراسكم هانا مزاوك
4. وثانيا، دابا بالنسبة ليكم، مجرد وضع شكاية حدث تاريخي؟!
توما مالكوم مبلوزين هاكا؟ مالكم على هاد التبهديلة لي دايرين فراسكم؟ فاشلين حتى باش تكونو فاشلين.
إيلا كان المخزن غيكون عندو معارضين بحالكم.. غير ينعس على جنب الراحة والله هههههه
مبهدلين راسكم ومبهدلين معاكم ماماكم فرنسا هههه
5. ثالثا وهادا هو المعقول، كنقول ليكم من دابا أن مصير ديك الشكوى (ماشي الشكوى ديال اللبن، عارفكم مكلخين تقدرو متفرقوش بيناتهم ههههه) المصير ديالها الرفض ومزبلة التاريخ لبزاااف ديال الأسباب غتلقاوها فالصور أسفله وحتى شرط ما متوفر فيكم مع الأسف هههه ولكن واحد الشرط هو الواااعر كاع
6. باش الأمم المتحدة تقبل الشكاية خاص بعدا تكونو استنفذتو كاع مراحل التقاضي فالبلاد لي شاكيين بها. وهاد الشرط طبعا مكاينش ولكن زعما “سو ني جامي ترو طار”
فلهذا ومن هذا المنبر والله حتى مسامحين وكنقول ليكم: ايسي فو زيت شي فو ومرحبا بيكم فبلادكم ههههه غير أجيو شكيو تحفظو ماء الوجه
7. شرط آخر زوين، باش تتقبل شكايتكم، مخاصش تكون عندكم دوافع سياسية ونتوما ديجا مقدمين راسكم ك “معارضين” ودابا كتوصفو راسكم ب “صحفيين منشقين”. علاياش منشقين؟؟ الله واعلم!!
بعدا واش متأكدين بلي صحفيين؟؟!
لي فراسي وحسب تصريحات ديال دنيا فيلالي كتنفي أنها صحفية ههههه
8. ومن هادشي كاامل، زعما حتى لا مشينا بعيد كاع وافترضنا الأمم المتحدة شدات من عندكم الشكاية، فهي أول ماغادير، غتراسل الدولة لي شكيتو بيها وتطلب منها استفسار…الخ
فكرتوني غير فزكرياء مومني نهار القضاء الفرنسي صيفط الشكاية ديالو للمغرب ورجعو لجواب وزدحو مع الحيط وترات عليه فرنسا ههههه
9. دابا غير بيني وبينكم… إيلا هاد الكوبل عندو ديجا الحماية الدولية من عند الأمم المتحدة لي شاكيين ليها المغرب، وغير كيساين فرنسا تعطيهم اللجوء بعدما جرات عليهم الصين، علاش غيقدمو شكاية تاني؟؟
ياك ماماكم فرنسا بلاد القانون والعدل وحامياكم؟
أجيو بعدا فين وصل واحد طلب اللجوء؟؟ ههههه
10. الجواب أن الصهد بدا يوصلهم من مور ما ماماهم فرنسا هزاتهم وطلقاتهم مرة وحدة ونخلاتهم بخصوص طلب اللجوء لي حطوه هادي 9 أشهر تقريبا… كون دنيا حملات كون راه تزاد المولود ويمكن كون خذا الجنسية كاع ههههه ويتهناو من هاد الصداع والتحنقيز
11. الكوبل مشا بعيد فتكلاخت من مور ما المخزن الفرنسي لي كان محتضنهم سد عليهم القنوات والصحف لي كان مترعها ليهم بسبب فضايحهم
وقالك أسيدي دعاو كاع الصحفيين والمنابر الإعلامية لي كاينة فرنسا..علااااش؟! حيت هضرو عليهم ودارو تقارير صحفية كتفضح النصب والاحتيال ديالهم، ومعاداتهم للسامية
12. والسؤال هو ماشي منين جايبين لفلوس باش يرفعو كاع هاد القضايا ضد مؤسسات صحفية فرنسية كبيرة وصحفيين معروفين… وإنما منين غيجيبو فلوس التعويض لي غيخلصوها لدوك المؤسسات الإعلامية والصحفيين لي داعيينهم، حيت غيخسرو دوك القضايا والمشتكى بيهم أكيد غيطلبو تعويض بسبب التشهير ههههه
13. أنا مابقات فيا غير حاجة وحدة، وهي أن الكوبل فيلالي تلات بيهم ليام وولاو كيعلنو على أحداثهم التاريخية حصريا فمنبر جزائري تابع لمخابرات الكابرانات وعلى خر ايامهم ولا يديرو تابياعت مع صحفي معروف كعميل للمخابرات الجزائرية إسمه محمد عبدون شغله الشاغل فموقع la patrie news هو يضرب فالمغرب
14. وزادو كملوها وجملوها وهي الواعرة كاع من جملة القنابل النووية والأحداث التاريخية ديالهم ههههه قالك أسيدي الكوبل فيلالي غادي يصدرو واحد لكتاب غيكشفو فيه قصتهم بالتفاصيل هههههه
ياااا هالا يا مرحبااا هههههه أنا أول واحد غيشري داك لكتاب، عرفتو علاش؟؟
15. باش نشوف فين غتوصل كمية لكذوب لي غتنشروها بحال لي دار زكرياء مومني لي عطاكم هاد الفكرة… وباش نستمتع بالعرااام ديال التسريبات لي عمرها خرجات ولي غتفضح حقيقتكم وتخليكم ضحكة عند العادي والبادي… بحال لي وقع مع المومني نيت ههههه
وا فيييقو من الڭلبة الله يرضي عليكم… راه وليتو ضحكة ههههه
تحية بوغطاطية من #بوغطاط_المغربي
