16:29 - 9 أبريل 2022
بوغطاط المغربي.. محمد بوزلوف ومسلسل تبياع لعجل
أعلن تضامني الكامل واللامشروط مع الشاب #محمد_بوزلوف.. أيييه كنتضامن معاه من قلبي حيت كيستحق.
- محمد بوزلوف واحد من المغرر بيهم لي كان مابيه ماعليه حتى جا شي حد أو شي وحدين فتاو عليه شي رأي وزدحوه مع الحيط وهما مريحين بعاد شادين تيليفوناتهم مروجين على ظهرو الحركة.
كيفاش؟؟
- أولا، داك الفيلم ديال اعتاقلوه حيت تضامن مع #سعيدة_العلمي، كذب في كذب، وفيه استغباء للمغاربة.
يكفي تكتبو اسم سعيدة العلمي فتويتر وفيسبوك غادي تلقاو العشرات لي معبرين عن تضامنهم معاها وعايشين فالمغرب وما توجهات ليهم حتى شي استدعاء من السلطات عساك يتعتاقلو
- ثانيا، أنك تقول بلي هادا تشد حيت تضامن مع #سعيدة_العلمي، فهذه إساءة لسعيدة.
هادي ماشي إشادة بإرهابية باش لي تضامن معها اعتقالوه.
كاين فرق كبير بين التعبير عن التضامن كيف دارو بزاف وماوقع ليهم والو. وبين تسب وتهين موظفين عموميين لي حتى هما مغاربة مايقبل حتى حد يهينهم.
- وثالثا والأهم، أن لي وقع لمحمد بوزلوف، كنعتقد أنه مسلسل جديد ديال تبياع لعجل. ولي كيسوقو وكيروجو على أن هو مدون وناشط ومعتقل رأي، باغي يتاجر بيه كيف تاجر فقضايا كثيرة من قبل. وبوزلوف براسو يقدر يكون تغرر بيه مقابل وعود معينة.
ولكن واش #محمد_بوزلوف بصح مدون أو ناشط؟؟
- محمد بوزلوف لي أصلا كيستخدم اسم مستعار على مواقع التواصل الاجتماعية👇
(Moulay Elmehdi Elmouh)
وصفوه بالمدون وبالناشط وبمعتقل رأي. والحقيقة أن النشاط ديالو بعيد كل البعد على هادشي.
السيد كيقدم نفسو أنه مصمم مواقع ومتخصص فالبرمجيات وبالإضافة لهادشي..
- وحسب ماداير فالصفحة ديالو على فيسبوك، فهو عايش فمدينة نانسي الفرنسية وإلى جانب الاشتغال ديالو لحسابه الخاص، فهو داير بأنه خدام مع @beinsports_FR و مع جمعية @AIESEC وبأنه خاطب من سنة 2021.
يعني بروفيل ديال شاب مستقر وكيبغي الدومين ديالو وربما موهوب فيه كاع…
7. المهم فاش سمعت بأنه وصفوه بالمدون ومعتقل رأي، دخلت لعمي غوغل، كتبت سميتو بالعربية وبالفرنسية طلعو ليا غير الوصفات ديال مشاوي لحم الراس. وانا نتفكر بلي أصلا خدام بإسم مستعار، وانا نعاود نرجع لفيسبوك ديالو نقلب نشوف أي نوع ديال التدوين لي كيدير و واش عندو آراء سياسية
8. فإذا بي كنلقى أن السيد مولوع بالصور القديمة والنادرة ديال المغرب (الأحياء، الشوارع، بنايات مؤسسات رسمية، اللباس ديال لمغاربة…الخ) وهادشي لي كيقيل ينشرو فالحساب ديالو، من بينهم واحد الصورة قديمة ونادرة عجباتني بزاف ديال الملك محمد السادس فاش كان ولي العهد فالمدرسة المولوية
9. ولكن كتاشفت بأن بوزلوف عندو موقع بالإسم المستعار لي كيخدم بيه، وحاط الرابط ديالو فحسابو على فيسبوك. وفاش دخلت ليه، كنلقى فيها منشور واحد فقط. كيتعلق بالروابط المستخدمة لقرصنة الاشتراكات في موقع @BroadwayHD وهو منصة إلكترونية لبث الأفلام والمسرحيات (بحال داكشي ديال نيتفليكس)
- إذن شنو علاقة أعمال القرصنة بالتدوين والنشاط الحقوقي؟؟ وإذا فعلا خدام مع @beinsports_FR كيف كيقدم راسو، واش الشركة على علم بهذا؟ مانظنش.
ويقدر يكون ماخدامش أصلا معاهم وغير كيستخدم هاد الصفة.
المهم هذا ماشي موضوعنا، نرجعو للتدوينة ديالو على سعيدة العلمي
11. المثير فتدوينة محمد بوزلوف ماشي أنها تعدلات 10 مرات على امتداد يومين تقريبا وكأنه كيساين شي حاجة وكل ساعة كيرجع ليها. وماشي فإضافة عبارات محددة بحال “البوليس السياسي”، “فقد عقله”، “الحقوق البيولوجية الغريزية”..الخ ولكن المثير خصوصا فالتعديلات هو في فرق التوقيت بين تعديل وآخر
- إذا كان غرض الشخص هو فعلا التضامن مع شخص آخر يرى أنه مظلوم، فيكفي يعبر كيف دارو بزاف د الناس لي ماوصفوش موظفين ومؤسسات بخونة الشعب المغربي، أو الأوغاد أو القواويد أو أبناء الزانيات…الخ.
وكذلك مغاتبقاش مشطون كاع هاكا وتنعس وتفيق وتبقى تزيد عبارات معينة فقط للتعبير عن التضامن
- الشيء لي كيخلينا نتسألو ما إذا كان هو فعلا لي كتب داكشي أو شي حد حمسو وبقا كيفتي عليه.
يبدو أن أصحاب مسلسل تبياع لعجل كيبحثو حاليا على صنف معين. وهو صنف “المدونين”. هاد الصفة لي يقدرو يعطيوها لأي واحد واخا يكون بعيد كل البعد عن التدوين كيفما وقع مع #محمد_بوزلوف مع الأسف
14. وهاد الكلام ديال البحث عن “الضحايا” بالمناسبة ماشي كلامي، هادا كلام واحد من “الحقوقيين” عايش ف فرنسا و لي كان المسؤول عن تنظيم الندوة الافتراضي فتويتر لي تنتهكات فيها حرمة امرأة مغربية وهي في قبرها، دون أن يحرك أحد من المستمعين والمشاركين ساكنا👇
فيديو…..
15.خليو عليكم ولاد الناس فالتيقار وماتبقاوش تاكلو التومة بفم الغير وتحمسو فالدراري وتزيدوهوم للقدام.
السب والقذف والكلام الساقط ماشي رأي ولا تعبير ولا نضال.
وفيييقو من الڭلبة الله يرضي عليكم.. راه كولشي عايق بيكم
تحية بوغطاطية من #بوغطاط_المغربي 👻✌🏻
🇲🇦🇲🇦🇲🇦
